ԿԱՐՃ ԼՈՒՐԵՐ

Սաքունցի գրասենյա՞կն է ֆինանսավորում ՊՊԾ գնդի «զավթիչների» պաշտպաններին

14.07.2017 20:15 ԹԵՄԱ ԻՐԱՎՈՒՆՔ
Սաքունցի գրասենյա՞կն է ֆինանսավորում ՊՊԾ գնդի «զավթիչների» պաշտպաններին

Մեր ունեցած տեղեկությունների համաձայն` մշտապես հակահայկական գործունեությամբ աչքի ընկնող իրավապաշտպան Արթուր Սաքունցի Հելսինկյան քաղաքացիական ասամբլեայի Վանաձորի գրասենյակն է ֆինանսավորում նախորդ տարվա հուլիսին ՊՊԾ գունդը գրաված «զավթիչների» փաստաբաններին` իրենց կատարած աշխատանքի դիմաց, այլ ոչ թե ՊՊԾ գունդը գրաված խմբի անդամների ընտանիքները: Այս մասին «Իրավունքը» փորձեց պարզաբանում ստանալ հենց փաստաբաններից:
Մեզ հետ զրույցում ՊՊԾ գունդը գրաված խմբի անդամներից 8-ի, այդ թվում` Արեգ եւ Սերգեյ Կյուրեղյանների պաշտպանությունը ստանձնած փաստաբան ՄՈՒՇԵՂ ՇՈՒՇԱՆՅԱՆԸ վերոնշյալ տեղեկատվության մասին մասնավորապես նշեց. «Դա որեւէ մեկին չի վերաբերում, ու երբեւէ նման հարց չի առաջացել իմ ու Կյուրեղյանների ընտանիքի միջեւ: Այդ տեղեկությունները ստահոդ են, ու հնարավոր է` ուղղորդված եւ ինձ համար այս պահին շատ անհասկանալի նպատակ են հետապնդում»: Մեր ճշտող հարցին, թե արդյոք Մ. Շուշանյանն անվճար հիմունքներով է պաշտպանում Կյուրեղյաններին, փաստաբանը շեշտեց. «Դե հիմա անվճար, թե` վճարովի, դա որեւէ մեկին չի վերաբերում: Դա վերաբերում է բացառապես ինձ, իմ պաշտպանյալներին ու նրա ընտանիքի անդամներին»:

Զրուցեցինք նաեւ ՊՊԾ գունդը գրաված խմբի մի քանի անդամների պաշտպան ԼՈՒՍԻՆԵ ՍԱՀԱԿՅԱՆԻ հետ, որը մեր հարցադրմանը հարցով պատասխանեց. «Իսկ ո՞վ է ասել, որ այդ փաստաբանները վճարվում են: Առնվազն` կարող եմ իմ եւ փաստաբան Երվանդ Վարոսյանի անունից ասել, որ մենք անվճար ենք աշխատում»:

Ի դեպ, փորձեցինք պարզաբանում ստանալ նաեւ Հելսինկյան քաղաքացիական ասամբլեայի Վանաձորի գրասենյակի ղեկավար Ա. Սաքունցից, սակայն նրա հետ այդպես էլ կապ հաստատել չհաջողվեց:

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА