Ովքեր օգագործում են գազավորված ըմպելիքներ, ավելի հաճախ են տառապում ուղեղի կաթվածից

Մարդիկ, որոնք օգագործում են ըմպելիքներ՝ շաքարավազը փոխարինող նյութերով, օրինակ դիետիկ գազավորված ըմպելիքներ, ավելի հաճախ են տառապում ուղեղի կաթվածից եւ տկարամտությունից: Ըստ BBC-ի, գիտնականները նման եզրահանգման են եկել վերլուծելով 45 տարեկանից բարձր 2888 եւ 60 տարեկանից բարձր 1484 մարդկանց տվյալները: Հետազոտողներն առաջին խմբի մարդկանց մոտ ֆիքսել են ուղեղի կաթվածի հաճախականություն, երկրորդ խմբի մոտ՝ տկարամտություն: Գիտնականները ուսումնասիրել են, թե այդ մարդիկ որքան քաղցր եւ դիետիկ ըմպելիքներ են օգտագործել տարբեր ժամանակահատվածում: Այնուհետև նրանք այդ տվյալները համեմատել են ուղեղի կաթվածի կամ տկարամտության քանակի հետ: Գիտնականները պարզել են, որ դիետիկ ըմպելիքներ օգտագործած մարդկանց մոտ երեք անգամ ավելի բարձր է եղել ուղեղի կաթվածի, տկարամտության հավանականությունը: