ԿԱՐՃ ԼՈՒՐԵՐ

«Ելք»-ից էլ հարց չտաս «վաբշե». Զարուհի Փոստանջյանը զայրացավ

17.04.2017 23:50 ՕՐՎԱ ՊԱՏԿԵՐ ՔԱՂԱՔԱԿԱՆ ԹԵՄԱ
«Ելք»-ից էլ հարց չտաս «վաբշե». Զարուհի Փոստանջյանը զայրացավ

Պետրոս Ղազարյանի «Ուրվագիծ» հաղորդաշարի հյուրն այսօր «Երկիր ծիրանի» նորաթուխ կուսակցության նախագահ,Երեւանի քաղաքապետի թեկնածու ԶԱՐՈՒՀԻ ՓՈՍՏԱՆՋՅԱՆՆ էր: Իսկ թե ինչ եղավ հետո, ֆեյսբուքահայերը կասեին՝ շատ հուզիչ էր…

Հաղորդման ընթացքում Պ. Ղազարյանը փորձեց հետաքրքրվել, թե ինչ գաղափարական տարաձայնություն կա Զ. Փոստանջանի ու նրա ղեկավարած կուսակցության ու «Ելք» դաշինքի միջեւ: Եվ, ի վերջո, ինչո՞ւ Զարուհի Փոստանջյանը չցանկացավ միասնաբար մասնակցել Երեւանի ավագանու ընտրություններին «Ելքի» հետ:

Զ. Փոստանջյանին ակնհայտորեն դուր չեկան «Ելքի» ու տավուշից Երեւան եկած Ն. Փաշինյանի մասին հարցերը, եւ նա հորդորեց հաղորդավարին անցնել այլ թեմաների: Սակայն, Պ. Ղազարյանն անդրդվելի մնաց ու շարունակեց նույն թեման:

Արդյունքում ընդդիմադիր տիկինն այլեւս չզսպեց իրեն ու պոռթկաց. «Կներես, գնում եմ, ես չեմ եկել, որ… ես խնդրեցի, որ Փաշինյանից հարց չեք տալիս: Չէ, գնացինք, նորից ենք անում, կամ էլ ես թողնում եմ, գնամ: Չէ, ես գնում եմ, Փաշինյանից, «Ելք»-ից էլ հարց չտաս «վաբշե»»:

ՀՐԱՆՏ ՍԱՐԱՖՅԱՆ

Հ.Գ.- Մանրամասները դիտե՛ք տեսանյութում.

 

КОМСОМОЛЬСКАЯ ПРАВДА