ԿԱՐՃ ԼՈՒՐԵՐ

ԶԱՐՄԱՆՔ

07.03.2017 19:30 ԶԱՐՄԱՆՔ
 ԶԱՐՄԱՆՔ

ԷՐԴՈՂԱՆԸ վերջերս հայտարարել էր, թե Գերմանիան թուրքերի հետ վարվում է այնպես, ինչպես վարվում էին նացիստները: Սակայն զարմանալիորեն պարզվում է, որ նա ունի նույն հոգեկան շեղումը, ինչ Հիտլերը: Բրիտանական Politics First թերթի գլխավոր խմբագիր Մարկուս Պապադուպոլոսը Թուրքիայի նախագահ Ռեջեփ Թայիփ Էրդողանին համեմատել է Հիտլերի հետ եւ ասել, որ նա հոգեկան շեղումներ ունի. «Ով խաղ է անում կրակի հետ, այրվում է: Թուրքիան Սիրիայի հարցում կրակի հետ է խաղում: Նա նման է Հիտլերին: Հիտլերը հոգեկան շեղումներ ուներ: Չեմ ասում, որ Էրդողանը Հիտլերի նման ուժեղ է, սակայն Թուրքիան լարեց սիրիական ճգնաժամը, եւ դա արտացոլվում է Թուրքիայի տարբեր տարածքներում»: Հեյ, Ռոբերտ Քոչարյան, ձեր ասած «ուրիշ մասնագետի» ականջը կանչի: 
Սակայն «ուրիշ մասնագետի» փոխարեն ասպարեզում հայտնվեց անձամբ ՌՈԲԵՐՏ ՔՈՉԱՐՅԱՆԸ, որպեսզի ասի, որ իր վրա հույս չդնեն. «Ես վաղուց խոստացել էի հարցազրույց տալ, թեեւ ոգեւորիչ որեւէ բան ասելու հիմք չէի տեսնում: Անկեղծ ասած, անցած օրերի ընթացքում փորձել եմ պատասխաններ գրել ու արձագանքել մի քանի արդիական հարցերի: Սակայն ներքին դիմադրությունս այնքան մեծ էր, որ ես չուզեցի շարունակել: Քաջատեղյակ լինելով առկա իրողություններին` ընթացիկ քաղաքական գործընթացի մանրամասները մեկնաբանելու, առավել եւս` դրանց մեջ մտնելու ոչ մի ցանկություն չունեմ»: Ու թեեւ նախկին նախագահը մանրամասների մեջ «մտնելու ցանկություն» չունի, նա բավականին վատ ձեւով փորձեց անձամբ վարկաբեկել ներկայիս Ընտրական օրենսգիրքը, այդ թվում` ռեյտինգային ընտրակարգը: Դե ինչ ասես, այս մարդու վրա չի տարածվում «հեռանալիս չանիծես» կարգախոսը` եթե չխայթի` կպայթի: 
Իսկ ԼԵՎՈՆ ԶՈՒՐԱԲՅԱՆԸ որոշեց Հռոմի պապից ավելի կաթոլիկ լինել եւ ԼՏՊ-ի պարտվողական, հողատու ծրագիրը քարոզելիս նաեւ չխորշեց ժողովրդի հետ շանտաժի ու խուճապի լեզվով խոսելուց. «Մենք չլուծելով Արցախի խնդիրը` ամեն օր մսխելու ենք մեր տարած հաղթանակը: Բայց դեռ կա հնարավորություն` այս հաղթանակը պահելու: Մենք իսկապես կարող ենք երկիրը հասցնել մի վիճակի, երբ հաղթանակը կտանեն մեր ձեռքից: Եվ այդ պատճառով ասում ենք, որ ժամանակն է սթափվելու եւ այս ընտրությունն էլ լավ հնարավորություն է` ժողովրդին այս ամենը ասելու, ամբողջ ճշմարտությունը բացելու համար»: Իսկ վերջում էլ, զարմանալիորեն, ընկնելով էյֆորիայի մեջ, նա մոռացավ չափուսահմանը եւ ԼՏՊ-ի 1997թ. այլանդակությունը գովաբանելով` մի բան էլ մուննաթ եկավ իշխանության վրա. «Եթե տղա էիք, էս 19 տարիների ընթացքում այդ հարցը լուծեիք»: 
Ինչպես հայտնի է, երեկ պատգամավորների երաշխավորությամբ` գլխավոր դատախազը ազատ արձակեց «հաց բերող» ԱՐԹՈՒՐ ՍԱՐԳՍՅԱՆԻՆ: Մինչդեռ այստեղ ամենազարմանալին այն էր, որ դեկտեմբերի 31-ին ազատ արձակված Ա. Սարգսյանը մի քանի օր անց կրկին կալանավորվեց Սեյրան Օհանյանի դաշինքի երեսից` հենց այդ թիմն էր նրան ներքաշել ընտրական գործընթացների մեջ, չթողնելով, որ մարդը հանգիստ սպասի իր դատին: Այդ պատճառով էր, որ գլխավոր դատախազի հետ հանդիպմանը ներկայացան պատգամավորներ «Ելք»-ից, ՕԵԿ-ից, ՀԱԿ-ից, անգամ ՀՅԴ-ից, բայց ոչ ՕՐՕ դաշինքից: Երեւի թե, երեսները չէր բռնել: Ինչեւէ, այդ պատմության մեջ զարմանալիորեն նաեւ որոշ չափով արդարության տարրեր կան` Արթուր Սարգսյանի պատմությունից քաղաքական միավորներ շահեցին տարբեր ընդդիմադիրներ, բայց ոչ ՕՐՕ դաշինքը, որը եւ սկսել էր նրան ներքաշել նախընտրական խաղի մեջ:Զարմացած է 
ՀՈՎՀԱՆՆԵՍ ԳԱԼԱՋՅԱՆԸ

 

КОМСОМОЛЬСКАЯ ПРАВДА