ԿԱՐՃ ԼՈՒՐԵՐ

Կանանց սովորություն, որը «սպանում» է սեռական կյանքը

17.02.2017 13:09 ԱԽ ԿԱՆԱՅՔ
Կանանց սովորություն, որը «սպանում» է սեռական կյանքը

Ջոնս Հոպկինսի համալսարանի Հասարակային առողջության Բլումբերգյան դպրոցի գիտնականները հայտնաբերել են, որ որքան շատ է կինը, առանց ամուսնու հետ խերհրդակցելու, որոշումներ կայացնում՝ կապված տնային տնտեսության հետ, այնքան քիչ է նրա կյանքում լինում սեքսն ամուսնու հետ:

 

Ամերիկացիների հրապարակած թվերն ապշեցնող էին. պարզվել է, որ իշխող կանայք 100 անգամ ավելի քիչ են սեքսով զբաղվում իրենց օրինական ամուսինների հետ, քան ավելի մեղմ բնավորություն ունեցողները: Այն, որ կինը միայնակ է տնօրինում ընտանեկան բյուջեն, ինքնուրույն է պլանավորում գնումները, հանդիպումներն ու այցելություններն ընկերներին և առհասարակ միայնակ է կայացնում բոլոր որոշումները, միանշանակ բացասաբար է ազդում զույգի համատեղ սեռական կյանքի վրա:

Ուսումնասիրությանը մասնակցել են կանայք՝ աֆրիկյան վեց տարբեր երկրներից: Բանն այն է, որ այս երկրներում ամուսնական պարտականությունները հստակ բաժանված են և կինը կա՛մ ինքնուրույն է կայացնում տնային տնտեսության հետ կապված բոլոր որոշումները, կա՛մ ամուսնու հետ համատեղ: Նախագծի հեղինակնեից մեկը՝ Միշել Հինդինը պնդում է, որ ամուսնու հետ խերհրդակցելու սովորությունը նպաստում է սեռական հարաբերությունների ավելացմանը երեք և ավել անգամներ (առավելագույնը 100 անգամ):

Հինդինը ենթադրում է, որ ինքնուրույն որոշումներ կայացնող կանայք նույն քաղաքականությունն են վարում նաև անկողնում, ինչը բացասաբար է ազդում տղամարդկանց լիբիդոյի վրա: Հինդինի գործընկերը՝ Քերի Մունտիֆերինգն ընդգծում է, որ այս ուսումնասիրության արդյունքներից ելնելով, կանայք կարող են որոշ եզրահանգումների գալ և փոխել իրենց սովորությունները:

 

 

КОМСОМОЛЬСКАЯ ПРАВДА