ԿԱՐՃ ԼՈՒՐԵՐ

ՄԱԿ–ը կոչ է արել վերջ տալ կանանց թլպատմանը

06.02.2017 19:35 ԱԽ ԿԱՆԱՅՔ
ՄԱԿ–ը կոչ է արել վերջ տալ կանանց թլպատմանը

Կանանց թլպատման նկատմամբ զրոյական հանդուրժողականության միջազգային օրը ՄԱԿ–ը բոլոր երկրներին կոչ է արել հրաժարվել այդ պրոցեդուրայից։ 2030 թվականին այդ պրակտիկան պետք է վերջնականապես դուրս մղվի։

ՄԱԿ Բնակչության հիմնադրամը (UNFPA) եւ Մանկական հիմնադրամը (UNICEF) պահանջում են արգելել կանանց թլպատումն այն երկրներում, որտեղ այն կիրառվում է։ Այս մասին ասված է Կանանց թլպատման նկատմամբ զրոյական հանդուրժողականության միջազգային օրվա կապակցությամբ կազմակերպությունների համատեղ հայտարարության մեջ։

UNFPA եւ UNICEF հիմնադրամները նշում են, որ կանանց թլպատումը մարդու իրավունքների ծանր ոտնահարում է, որն ամրապնդում է կանանց նկատմամբ խտրականությունը հասարակությունում։ ՄԱԿ–ում հույս ունեն, որ այդ պրակտիկան 2030–ին ամբողջովին դուրս կմղվի։

Կանանց թլպատման ավանդույթը դեռ ապրում է մոտ 30 աֆրիկյան երկրներում, որոշ արաբական եւ ասիական պետություններում։ Ամեն տարի այդ բարբարոսական պրոցեդուրային է ենթարկվում մոտ 3 մլն աղջիկ ամբողջ աշխարհում։ Հիմնականում նրանք դեռ 15 տարին չլրացած դեռահասներ են։ ՄԱԿ տվյալներով՝ աշխարհում ապրում է առնվազն 200 մլն թլպատված կին։

 

 

КОМСОМОЛЬСКАЯ ПРАВДА