Իրավունք Թերթ - Հետաքննություն
Չորեքշաբթի, 16 Հունվար 2013 00:00

ԿԱԼԱՆԱՎՈՐԸ ԿՐԿԻՆ ԲԵՐԱՆԸ ԿԱՐԵԼ Է

ՙՀունվարի 14-ին կալանավոր Շալիկո Մանուչարյանը, ՙԱրթիկ՚ ՔԿՀ-ից տեղափոխվելով ՙՎանաձոր՚ ՔԿՀ, ի նշան բողոքի, կարել է բերանն ու անժամկետ հացադուլ հայտարարել: Վերջինս դժգոհում է իր քրեական գործից՚,- մեզ հետ զրույցում նշեց քրեակատարողական վարչության հասարակայնության հետ կապերի պատասխանատու ԳՈՌ ՂԼԵՉՅԱՆԸ:
Շալիկո Մանուչարյանը կալանքի տակ է մայիսի 30-ից: Նրան մեղադրանք է առաջադրված Քր. օր.-ի 112(դիտավորությամբ առողջությանը ծանր վնաս պատճառել) եւ 235-րդ( ապօրինի կերպով զենք-զինամթերք ձեռք բերել, իրացնել) հոդվածներով: Մեղսագրվող արարքներում նա իրեն մեղավոր չի ճանաչում, ավելին` պնդում է, որ իրավապահների կողմից ապօրինաբար է պահվում կալանքի տակ:

ԻԼՈՆԱ ԱԶԱՐՅԱՆ