Օրվա պասային բաղադրատոմս

Ձեզ ենք առաջարկում որպես Թեթև և հագեցնող նախաճաշ հնդկաձավարով պասային բլիթներ պատրաստելու ևս մեկ տարբերակ։

Պասային բլիթներ. Անհրաժեշտ բաղադրիչները

_Ալյուր 250-270 գր

_Շաքարավազ 4 ճաշի գդալ

_Հանքային ջուր 500 մլ

_Բուսական յուղ՝ տապակելու համար

Լցոնի համար

_Հնդկաձավար 250 գր

_Ջուր 200 գր

_Սոխ 1 հատ

_Մարինացված շամպինիոն 100 գր

_Բուսական յուղ

_Աղ՝ ըստ ճաշակի

Պասային բլիթներ. Պատրաստման եղանակը

_Ալյուրը մաղել աղի հետ խառնած, ավելացնել շաքարավազ։ Աստիճանաբար լցնելով ջրի մեջ, ստանալ թթվասերի խտության խմոր։

_Ծածկել ամանը սննդի թաղանթով և թողնել տաք տեղում 40 րոպե։

_Տաքացնել տապակը, լցնել մի քիչ բուսական յուղ, 1 շերեփ խմոր լցնել և շրջանաձև շարժումներով թավայի մեջ տարածելով՝ նրբաբլիթ տապակել:

_Նրբաբլիթը տեղափոխել ափսեի մեջ։ Տապակել նաև մնացած նրբաբլիթները։

_Հնդկաձավարը լվանալ և տապակել չոր, տաք թավայի մեջ, մինչև ոսկե դարչնագույնը:

_Կաթսայի մեջ եռացնել ջուրը, ավելացնել մի քիչ աղ և բուսայուղ, եփել հնդկաձավարը։

_Սոխը կտրատել խորանարդիկներով և տապակել մինչև ոսկե դարչնագույնը:

_Մի ամանի մեջ խառնել հնդկաձավարը, տապակած սոխը և մանրացված սունկը, անհրաժեշտության դեպքում՝ համեմել աղով:

_Յուրաքանչյուր նրբաբլիթի վրա դնել 1,5 — 2 ճաշի գդալ լցոն:

_Նրբաբլիթները փաթաթել:

_Տապակի մեջ տաքացնել բուսայուղը, նրբաբլիթները տապակել 1,5 րոպե, ապա շրջել և տապակել ևս 1,5 րոպե։

Բարի ախորժակ:
Источник: https://baxadratomser.am/%D5%BA%D5%A1%D5%BD%D5%A1%D5%B5%D5%AB%D5%B6-%D5%A2%D5%AC%D5%AB%D5%A9%D5%B6%D5%A5%D6%80