Ռուբեն Էլբակյանը պարգեւատրվել է նոր ոսկե մեդալով

Ֆրանսահայ հայտնի տենոր ՌՈՒԲԵՆ ԷԼԲԱԿՅԱՆԸ պարգեւատրվել է նոր ոսկե մեդալով՝ բարեգործական գործողությունների համար Ֆրանսիական հեղինակավոր հաստատության՝ "La ligue universelle du bien public"-ի կողմից, որը հիմնադրվել է 1946 թվականին։ Այն պարգեւատրում է հանրային եզակի մարդկանց եւ անհատականություններին համաշխարհային մասշտաբով: Նրանց թվում են այնպիսի մեծ անուններ, ինչպիսիք են Չերչիլը, Ֆրանկլին Ռուզվելտը, Ջոն Ֆիցջերալդ Քենեդին, Լուի Արմսթրոնգը, Աբե Պիեռը, պրոֆեսոր Քրիստիան Քաբրոլը եւ այլք... Պարգեւատրման արարողությունը եզրափակվել Է Ռուբեն Էլբակյանի կատարած հաղթական Մարսելեզով:

Սա Ռուբեն Էլբակյանին շնորհված երկրորդ ոսկե մեդալն է՝ իր բարեգործական մենահամերգների համար. առաջինը նրան շնորհվել է 2021 թվականին Ֆրանսիայի Սենատում՝ «Grand Prix Humanitaire de France»-ի կողմից։ Նա նաեւ 2011 թվականին Մոնակոյում Նապոլեոնի համաշխարհային համայնքի կողմից նապոլեոնյան հիշողության զինվորական շքանշանի ասպետ է ճանաչվել եւ հեղինակավոր Journal LUXURY ամսագրի կողմից դասվել է աշխարհի 57 հայտնի հայերի շարքում՝ Շառլ Ազնավուրի, Անրի Վեռնոյի, Միշել Լեգրանի կողքին:

Իր շնորհակալական խոսքի ընթացքում այս նոր պատվավոր պարգեւի համար Ռուբեն Էլբալյանը անվանակոչվածների եւ հյուրերի ուշադրությունը հրավիրել է  հայրենիքի՝ Հայաստանի ներկա իրականության վրա՝ ցանկություն հայտնելով բարեգործական համերգով ելույթ ունենալ Երեւանում եւ դրանով աջակցել Արցախի տեղահանված բնակչությանը: Այս նույն ցանկությունը Ռուբեն Էլբակյանը հայտնել է հայկական բոլոր հեռուստատեսային եթերներում 2023-ի հուլիս ամսին հայրենիքում գտնվելու ժամանակ։ 

Ի դեպ, նշենք, որ Ռուբեն Էլբակյանը բազմիցս հրավիրվել է Մարսելեզը եւ Հայաստանի օրհներգը կատարելու՝ Փարիզի Հաղթական կամարի ներքո: Նրա «Կոմիտաս» ալբոմը 3 ամիս անընդմեջ արժանացել է հանրահայտ LA FNAC-ի  "Coup de Cœur" մրցանակին։  

Այս թեմայով Եթե որոշեն Վահագն Չախալյանի կալանքի հարց բարձրացնել, վստահ ենք՝ աջակիցների պակաս չի լինելու դատարանում. Մելիքյան Հայաստանը շարունակում է դիվանագիտական պատերազմում տանուլ տալ. Ռուբեն Մելիքյան Ես պահանջատեր եմ, գործարքի մեջ չեմ մտնելու ու չեմ լռելու. Սարգիս Արզումանյան Կոպիտ սխալ եմ համարում այս օրհասական պահին հանրային քննարկման առարկա դարձնել այն հարցը, թե ո՛վ պիտի լինի Ամենայն Հայոց հաջորդ հայրապետը. Մելիքյան Սամվել Վարդանյանին խոշտանգել են ԳԱԱ-յին պատկանող փակ տարածքում. նոր մանրամասներ