ԻՆՉՊԵ՞Ս ՎԱՐՎԵԼ՝ ՁՄՌԱՆԸ ԿՈՄՈՒՆԱԼ ՃԳՆԱԺԱՄԻ ՄԵՋ ՉԸՆԿՆԵԼՈՒ ՀԱՄԱՐ

Արխիվ 12-16 26 Փետրվար, 2016 13:02

ԻՆՉՊԵ՞Ս ՎԱՐՎԵԼ՝ ՁՄՌԱՆԸ ԿՈՄՈՒՆԱԼ ՃԳՆԱԺԱՄԻ ՄԵՋ ՉԸՆԿՆԵԼՈՒ ՀԱՄԱՐ

Երեկ Ազգային ժողովում Հանրային ծառայությունները կարգավորող հանձնաժողովի նախագահ ՌՈԲԵՐՏ ՆԱԶԱՐՅԱՆԸ ներկայացնում էր 2015թ. տարեկան զեկույցը եւ պատասխանում պատգամավորների հարցերին: ՍԻՄ նախագահ, ԱԺ պատգամավոր ՀԱՅԿ ԲԱԲՈՒԽԱՆՅԱՆԸ մի քանի հարցեր եւ առաջարկներ ներկայացրեց պարոն Նազարյանին: Մասնավորապես.

1.Հայտնի է, որ ձմռան ամիսներին բնակչությունն ավելի շատ է սպառում թե՛ գազ, թե՛ էլեկտրաէներգիա: Սակայն կան թոշակառուներ, գործազուրկներ, անապահով այլ մարդիկ, կամ պարզապես ասենք՝ հիվանդանում են եւ չեն կարողանում գումարը վճարել, որի դիմաց պատժվում են անջատումներով: Հնարավոր չէ՞ սահմանել մի կարգ, որ սոցիալապես անապահով մարդիկ ունենան վճարման հետաձգման հնարավորություն: Կամ պայմանագիր, ըստ որի կարող են ամառն ավելի շատ վճարեն, քան սպառում են, որ ձմռանը չընկնեն ճգնաժամի մեջ:

2. Չե՞ք կարծում, որ նոր բաժանորդների համար սակագները բավականին բարձր թվեր են՝ անգամ գործարարների, փոքր ու միջին բիզնես ունեցողների կամ անհատ բաժանորդների համար: Արդյոք Դուք ուսումնասիրե՞լ եք, իսկապես արդա՞ր է այդ սակագինը, քանի որ կարծում եմ` այն բարձր է, եւ եթե անգամ արդար է: Ինչո՞ւ հնարավոր չէ կնքել պայմանագիր տարաժամկետ վճարելու համար, որպեսզի մարդիկ չվճարեն միանգամից մի քանի միլիոն դրամ, այլ վճարեն որոշ մաս, հետո, երբ բիզնեսը սկսի աշխատել, մնացածը վճարեն ամսե-ամիս:

3. Շարունակվում են քաղաքացիների բողոքները, որ շատ է գրվում հոսանքի թիվը: Կան բողոքներ որակի մասին: Դուք մեծ աշխատանք եք կատարում դրա համար, բայց որտեղի՞ց պետք է իրազեկվեն քաղաքացիներն իրենց իրավունքների մասին: Ասեք իրազեկման տեղը, մենք էլ փոխանցենք մեր ընտրողներին, եւ եթե իրենց իրավունքները ոտնահարվել են, ինչպե՞ս դիմեն ձեր հանձնաժողովին, ի՞նչ փաստաթղթեր ներկայացնեն:

Ի պատասխան՝ Ռ.Նազարյանը սկսեց վերջից. «Ինչ վերաբերում է տեղեկատվությանը, ապա օրինակելի ձեւը, որը մենք հաստատել ենք եւ ստորագրվում է մատակարարի եւ սպառողի միջեւ, այնտեղ ամրագրված են ե՛ւ պատասխանատվությունը, ե՛ւ պարտավորությունները երկու կողմերի համար: Ցավոք՝ մեր քաղաքացիների մեծ մասը կարդալ չի սիրում, ստորագրում է՝ մտածելով սովետական կարգերի նման: Դե մեր պետությունն է, բան է տվել, ստորագրենք, անցնի, գնա: Իսկ եթե չի հասցրել կարդա, թող գոնե այսօր կարդա: Բացի այդ` մեր կայքում կա էլեկտրաէներգիայի մատակարարման եւ օգտագործման կանոնները, որտեղ էլ ամրագրված են մատակարարի եւ սպառողի իրավունքներն ու պարտականությունները: Թող դիմեն մեզ, եթե կլինեն առանձին դրույթներ, որոնք լրացուցիչ պարզաբանման կարիք կունենան, սիրով պատրաստ ենք պարզաբանել»:

Ինչ վերաբերում է վճարումների ուշացումներին, ապա Նազարյանի խոսքով, եթե խոսքը ոչ թե չարամիտ չվճարողների, այլ՝ վճարելու հնարավորություն չունեցող, ասենք՝ թոշակառուների մասին է, ապա. «Շատ դեպքերում ՀԵՑ-ը ընդառաջ է գնացել: Եղել են դեպքեր, որ դիմել են եւ քննարկման արդյունքում առաջարկել ենք տարաժամկետ վճարման կարգ: Սակայն իրավունք չունենք մասսայաբար նման քայլի գնալ, քանի որ, եթե գնանք նման մոտեցման, ինչ կստացվի: Դրա մեջ վճարում ենք էլեկտրաէներգիա արտադրողներին, նրանք էլ, ասենք, միջուկային վառելիքի դիմաց. այդ շղթան շարունակական է եւ չենք կարող ֆինանսական եկամուտների նկատմամբ մեծ շռայլություն ցույց տալ»:

Նոր բաժանորդների հարցով էլ, ըստ ՀԾԿՀ նախագահի, ուսումնասիրել են միջազգային փորձը. «Կարող եմ ասել, որ ամենաէժանը Հայաստանում է: Մարդ կա՝ մեկ միլիոն դոլարանոց առանձնատուն է կառուցում, բայց չի ուզում երկու միլիոն դրամ ծախսել ցանցին միացման համար: Առաջ տրվում էին տեխնիկական պայման, պատվիրատուն իր միջոցներով կառուցում էր: Իսկ հիմա տեխնիկական պայման չի տրամադրվում: Քաղաքացին դիմում է գրում, պատվիրում է հզորության մեծությունը եւ լարման մակարդակը: Ընկերությունը նախագիծն է անում, իսկ պատվիրատուն վճարում է այդ ողջ ծավալի 40 տոկոսը, մնացած 60 տոկոսը տարիների ընթացքում վերադարձվում է տոկոսների տեսքով: Շատն ու քիչը գալիս է մեր եկամուտներից, որը հարաբերական հասկացողություն է, եւ չեմ կարող ասել՝ սահմանվածը շատ է, թե քիչ»,- խոսքն ավարտեց Ռ. Նազարյանը:

«Գազի վերաբերյալ նոր բանակցություններում արդյոք չի քննարկվում ռուբլով սակագինը սահմանելու հնարավորությունը»: Հ.Բաբուխանյանի վերջին հարցին Ռ. Նազարյանը պատասխանեց` չի հանդիսանում կողմ այդ քննարկումների ժամանակ, հետեւաբար չի տիրապետում` քննարկվո՞ւմ է նման հարց, թե` ոչ:

ԱՐՄԵՆՈՒՀԻ ՀԱԿՈԲՅԱՆ

Դուք դեռ օգտագործո՞ւմ եք Հայերեն ANSI: Ժամանակն է մեկընդմիշտ անցնել Յունիքոդի: Յունիքոդը հասանելի է բոլոր համակարգիչների վրա և հայերեն կարդալու կամ գրելու համար չի պահանջում լրացուցիչ տառատեսակների առկայություն:

Այս կայքում Դուք հեշտությամբ կփոխարկեք Ձեր ANSI հայերենով գրված տեքստերը Յունիքոդի: Պարզապես մուտքագրեք ANSI տեքստը վերին վանդակում, և Յունիքոդ տարբերակը անմիջապես կհայտնվի ներքևում:

Ընդլայնված (beta) Պարզ

ANSI

Unicode

ՓՈԽԱՐԿՄԱՆ ԱՂՅՈՒՍԱԿ

Օգնություն

[email protected]

Developed by Hrant Khachatrian. Designed by Mariam Melkumyan.

ShareThis Copy and Paste

- See more at: http://unicodenow.com/#sthash.tEl3AzD2.dpuf

ԻՆՉՊԵ՞Ս ՎԱՐՎԵԼ՝ ՁՄՌԱՆԸ ԿՈՄՈՒՆԱԼ ՃԳՆԱԺԱՄԻ ՄԵՋ ՉԸՆԿՆԵԼՈՒ ՀԱՄԱՐ

ԻՆՉՊԵ՞Ս ՎԱՐՎԵԼ՝ ՁՄՌԱՆԸ ԿՈՄՈՒՆԱԼ ՃԳՆԱԺԱՄԻ ՄԵՋ ՉԸՆԿՆԵԼՈՒ ՀԱՄԱՐ

ՀԱՅԵՐԵՆ ՅՈՒՆԻՔՈԴ ՓՈԽԱՐԿԻՉ

ARMENIAN UNICODE CONVERTER