Ազգային արժեհամակարգի նկատմամբ ոտնձգություններ են իրականանում, խորքային փոփոխությունների միտում կա. Կարինե Նալչաջյան

Այսօր ավելի նկատելի է, որ ազգային արժեհամակարգի նկատմամբ ոտնձգություններ են իրականանում: Այս մասին այսօր «Հայաստանյայց Առաքելական Սուրբ Եկեղեցու, հայոց լեզվի, մշակութային ժառանգության, ընտանիքի և մանկության պաշտպանության հիմունքների մասին» օրենքի նախագծի հանրային քննարկման ժամանակ ասաց հոգեբան Կարինե Նալչաջյանը:

«Ազգային արժեհամակարգի գրեթե բոլոր տարրերը թիրախավորված են, այսօր խորքային փոփոխություններ իրականացնելու միտումներ կան: Եթե սրանք չպահպանվեն, ազգի գոյության խնդիր է առաջանում»,-ասաց նա և հավելեց, որ առաջին հայացքից դա նկատելի չէ, սակայն այստեղ, ըստ նրա, սպառնալիք կա, ինչի դեմ ակնկալվում է պայքար և դիմադրություն:

Ըստ նրա՝ այս ամենը տանում է նրան, որ երեխան զրկվում է հայ ազգի ներկայացուցիչ լինելու իրավունքից: Նրա խոսքով՝ առաջ բերված օրենքի նախագիծը կօգնի բազմաթիվ այլ տարաձայնություններ հաղթահարել և ազգային համախմբումն իրականություն դարձնել:

«Կրթական համակարգը թիրախավորվում է նույնիսկ դեռ մանկապարտեզներից, և եթե աղավաղում ենք այն նմանատիպ դաստիարակություններով, ապա մենք խաթարում ենք նրանց անձնական, հոգեբանական առողջությունը»,-ասաց նա և հավելեց, որ սա ընդամենը մեկ օրինակ է, սակայն դրանք շատ են, ինչպես օրինակ եկեղեցու պատմության արժեքները, որը հաջորդ սերունդներին արդեն չի հասնելու:

«Ամեն ինչ արհեստականորեն խեղվում է, և մենք ապրելու ենք բոլոր իմաստներով խեղված հասարակության, խեղված մարդկանց միջավայրում»,-շեշտեց հոգեբանը:

Աղբյուրը՝ tert.am

Այս թեմայով Փաշինյանի նախկին կինն են եղել, թե՝ սիրուհին, խոսելու իրավունք ունե՞ն. Հայկ Մամիջանյան Հայ Ազգային Ռամկավար կուսակցությունն իր լիակատար զորակցությունն է հայտնում «Տավուշը հանուն Հայրենիքի» համաժողովրդական շարժմանը. հայտարարություն Ինչ արել ենք, արել ենք` բացառապես ելնելով մեր խղճից. Անի Սամսոնյան Եթե տավուշյան պայքարը չտեղափոխվի Հանրապետության հրապարակ, մարելու է. Դավիթ Գալստյան «Կամք»-ը կոչ է անում ապակենտրոն դուրս գալ փողոց, կազմակերպել անհնազանդության միջոցառումներ