Հայ բնակչությունից Ղարաբաղի մաքրումից հետո Ադրբեջանը դադարել է հաշվի առնել Ռուսաստանի արձագանքը. Զատուլին

Ադրբեջանը երբեք չի եղել Ռուսաստանի ռազմավարական գործընկերը, կարծում է Պետդումայի ԱՊՀ գործերով կոմիտեի փոխնախագահ Կոնստանտին Զատուլինը։ Ռուսաստանի եւ Ադրբեջանի հարաբերությունների մասին իր կարծիքը նա ներկայացրել է «Лента.ру»-ի զրույցում։

Ավելի վաղ տեղեկացվել էր, որ Ադրբեջանի մշակույթի նախարարությունը չեղարկել է բոլոր մշակութային միջոցառումները Ռուսաստանի պետական եւ մասնավոր հաստատությունների գծով։ Պատրվակ էին ծառայել ադրբեջանցիների նկատմամբ ՌԴ իրավապահ մարմինների աշխատակիցների գործողությունները Սվերդլովսկի մարզում։

Պատգամավորը նշել է, որ Ադրբեջանը ոչ Եվրասիական տնտեսական միության, ոչ էլ հավաքական անվտանգության պայմանագրի անդամ չէ, որոնց անդամների վերաբերյալ օգտագործվում է ռազմավարական գործընկեր հասկացությունը։ Միեւնույն ժամանակ, նման անդամությունը չի պաշտպանում բացահայտ հակառուսական ուղեգծից, նշել է նա։ Բացի այդ, Զատուլինը նշել է, որ հայ բնակչությունից Ղարաբաղի մաքրումից հետո Ադրբեջանը դադարել է հաշվի առնել Ռուսաստանի արձագանքը։

«Դրանից հետո Ադրբեջանի ղեկավարության մոտ վերացել է Ռուսաստանի հնարավոր բացասական արձագանքին սպասելու, նման գործողությանը Ռուսաստանի միջամտությունից զգուշանալու առիթը։ Ռուսաստանի հետ հատուկ հարաբերությունների անհրաժեշտությունը դադարել է էական լինել»,- ասել է խորհրդարանականը։

Նրա խոսքով՝ Ադրբեջանն առանց Լեռնային Ղարաբաղի էլ, ինչպես եւ Ռուսաստանը, պետք է օգուտ քաղեր առեւտրատնտեսական ոլորտում համագործակցությունից։ Խորհրդարանականն ընդգծել է, որ Ռուսաստանում որպես աշխատանքային միգրանտներ աշխատում են մեծ թվով ադրբեջանցիներ, ինչպես նաեւ Ռուսաստանի քաղաքացիների մեջ կան մեծ թվով ադրբեջանական ազգությամբ անձինք։

«Բայց դրա հետ մեկտեղ ոչ մի ռազմավարական գործընկեր ամենասկզբից, որի մոլորությունն ունի մեր կողմը, Ադրբեջանը չի հանդիսանում իր անկախության ողջ պատմության ընթացքւոմ։ Մեր պլանները՝ Ադրբեջանն օգտագործել որպես հյուսիս-հարավ միջանցքի տարր, իմ կարծիքով, շատ խնդրահարույց են։ Թեեւ այդ աշխատանքը շարունակվում է, բայց այն առայժմ բեկման չի հանգեցրել»,- նշել է պատգամավորը։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝