Արդարությանը փոխարինում է խնամի, ծանոթ, բարեկամ երեւույթը. Ալ Անանյան

«Իրավունքը» զրուցել է նկարչուհի ԱԼ ԱՆԱՆՅԱՆԻ հետ:

— Այս օրերին ստեղծագործո՞ւմ եք:

— Քանի որ աշխատանք չունեմ, ապրում ու շնչում եմ կերպարվեստով։

— Ինտրիգային իրավիճակների մեջ հայտնվո՞ւմ եք։

— Աշխատում եմ հեռու մնալ նման իրավիճակներից։

— Երկրում կատարվող սուր քաղաքական թեմաների մասին երբեք չեք խոսում…

— Քանի որ նկարիչ եմ, իմ բոլոր ասելիքները կտավի միջոցով եմ արտահայտում։

— Ըստ Ձեզ, այսօր արվեստի, նկարչության նկատմամբ կա՞ հետաքրքրություն։

— Եթե մշակույթն իր բոլոր դրսեւորումներով լիներ առաջնային, կարծում եմ` աշխարհում պատերազմներ չէին լինի։ Արդարությանը փոխարինում է խնամի, ծանոթ, բարեկամ երեւույթը։

— Բնորդին նկարելիս` նրա հոգեվիճակը հեշտությա՞մբ եք զգում, երբ փոխանցում եք այն կտավին:

— Եթե նկարիչը բնորդին նախապես չզգա, ջանքերն ապարդյուն կլինեն։