«Մենք  մեկ թիմ ենք և ունենք մեկ նպատակ՝ որակյալ աշխատանք և գոհ հաճախորդ. «Ռաֆֆայել» ընկերությունը 2022թ.-ի տարվա շինարարական ընկերություն

«Իրավունք» թերթի հետեւորդները ինչպես յուրաքանչյուր տարի, անցնող` 2022թ.-ի ընթացքում եւս ուշի ուշով հետևում են  տարբեր ոլորտներում գործունեություն ծավալող լավագույններին: Այս տարի «Իրավունք» թերթի եւ համանուն կայքէջի ընթերցողների ակտիվ քվեարկության արդյունքում 2022թ.-ի տարվա լավագույն շինարարական ընկերություն է ճանաչվել իր ձեռագրով առանձնահատուկ եր տարբերվող, ամենաժամանակից նախագծերով հայտնի «Ռաֆֆայել» ընկերությունը:

Տարվա լավագունի պատվոգրի հանձնման արարողությունը կկայանա գալիք` 2023թ.ին, որը կներկայացնենք «Իրավունք TV»-ի ուղիղ եթերում:

Իսկ մինչ այդ  «Ռաֆֆայել» ընկերության առանձնահատկությունների, ծրագրերի, եւ, որ ամենակարեւորն է` ինչու ընտրել հենց այս ընկերությունը զրուցել ենք «Ռաֆֆայել» ընկերության ծրագրի գլխավոր տնօրեն Ռաֆայել Մարտիրոսյանի հետ:

- Պարո՛ն Մարտիրոսյան, յուրաքանչյուր  գաղափար ունի  իրագործման իր սկիզբը․․․ Ինչպե՞ս սկսվեց  «Ռաֆֆայել» շինարարական ընկերության ուղին և ի՞նչ նախապատմություն այն ունի։

-Գաղափարն առաջ եկավ 2018 թվականին: «Երազանքի տուն»՝ այսպիսի անվանումով սկսվեց «Ռաֆֆայել» ՍՊԸ-ի գործունեությունը ՀՀ-ում: Ընկերության բուն իմաստը և ծրագրի հիմնական և միակ նպատակը այն է, որ մեր հայրենակիցներն ունենան իրենց երազանքի տունը իրենց իսկ ծննդավայրում, ինչու ոչ նաև այն վայրում, որտեղ կացարան ունենալը թվում էր երազանք: Ձգտում ենք իրականություն դարձնել մեր հաճախորդների ցանկաթյունները՝ նպատակ ունենալով նոր մշակույթ ներդնել կառուցապատման ոլորտում: Բոլոր առանձնատները կառուցվելու են նորարարական և ժամանակակից շինարարական տեխնոլոգաներով: Շինարարության ընթացքում օգտագործվելու են էկոլոգիապես մաքուր, անվտանգ նյութեր և հումքեր: Առանձնատների նախագծերում հաշվի են առնված հարմարավետության և ֆունկցիոնալության ժամանակակից բոլոր պահանջները:

-Ընկերությունը կիրառում է շինարարական մի շարք նորարարություններ։ Որքանո՞վ են դրանք կարևոր թե՛ որակի, թե՛ էսթետիկ տեսքի առումով։

-Օգտագործում ենք շինարարական բարձրորակ նյութեր և համագործակցում  ենք աշխարհառչակ մատակարարների հետ: Ինչպես նաև «Ռաֆֆայել» շինարարական ընկերությունը հանդիսանում է «FIRST New Material» նորարական նյութերի միակ ու պաշտոնական ներկայացուցիչը Հայաստանում։ Մենք ներմուծում ենք հուսալի նյութեր ճակատային պատերի և ինտերիերի դիզայնի համար։ Մեր արտադրանքը որակապես տարբերվում է տարածաշրջանում  առկա  ներկերից և լաքերից: Մեր արտադրանքի յուրահատկությունն այն է, որ տեխնիկապես  հեշտ է  օգտագործվում և գունային սխեման համապատասխանում է բնական քարի հյուսվածքին և գույնին։ Մատակարարված նյութերը էկոլոգիապես մաքուր են և համապատասխանում են միջազգային ամենախիստ չափանիշներին: Նյութերը դիմակայուն են, ջերմակայուն՝ -50ից մինչև +70 եղանակային պայմաններին։ Ասվածը հաստատվում է միջազգային  բազմաթիվ վկայագրերով:
Մեր ապրանքները ունիվերսալ են՝

1․ Հարմար է բոլոր տեսակի շենքերի համար։

2․Հարմար է շենքի բոլոր մասերի համար։

3․ Հարմար է ցանկացած կլիմայի համար։

-Մեր մտապատկերում երազանքների տուն շատերս ունենք։ «Ռաֆֆայել»շինարարական ընկերության շնորհիվ որքանո՞վ է հնարավոր կյանքի կոչել երազանքի տունը և արդյոք շատերն արդեն այն ունեն։

-«Ռաֆֆայել» շինարարական ընկերությունը Հայաստանում մեկնարկեց աննախադեպ ծրագիր: Եթե որևէ մեկն ապրում է արտերկրում, բայց ցանկանում է ձեռք բերել  երազանքի տունը  իր իսկ ծննդավայրում կամ Հայաստանի ցանկացած այլ տարածքում, ուրեմն դուք կատարել է ճիշտ ընտրություն: «Ռաֆֆայել» շինարարական ընկերությունը  կօգնի  երկրագնդի ցանկացած կետից ձեռք բերել հողատարածք Հայաստանում։ Կառուցել տուն բոլոր հարմարություններով, ինչպես ձեր նախընտրած, այնպես էլ մեր առաջարկած լավագույն տարածքներում` ըստ  նախասիրության և ճաշակի։ Մենք համագործակցում ենք Հայաստանի, Եվրոպայի, Ամերիկայի, Ռուսաստանի լավագույն ճարտարապետների և դիզայներների հետ, ովքեր կգոհացնեն անգամ ամենախստապահանջ գնորդներին։ «Ռաֆֆայել» շինարարական ընկերությունն առաջատարն է անհատական ​​դիզայնի, ինտերիերի բացառիկ լուծումներով, բարձրորակ շինարարական, ինժեներական ծառայությունների շուկայում։ Ընկերության հիմնական առավելությունն այլ ընկերությունների նկատմամբ ծառայությունների ամբողջական փաթեթի համապարփակ տրամադրումն է:  Ճարտարապետները, շինարարները, դիզայներները, ինժեներները աշխատում են արդյունավետ և արագ:  Մենք մեկ թիմ ենք և ունենք մեկ նպատակ՝ որակյալ աշխատանք և գոհ հաճախորդ։

-Շինարարական աշխատանքից զատ՝ ընկերությունն  իրագործում է նաև դիզայներական աշխատանք։ Վերոնշյալ ոլորտում ընկերությունն ի՞նչ նոր գաղափարներ է տեղայնացրել։

-Այո՛, ընկերությունը զբաղվում է ինչպես արտաքին, այնպես էլ ներքին հարդարման  դիզայներական աշխատանքներով։ Մեզ մոտ կարող եք պատվիրել ցանկացած բարդության ինչպես կոսմետիկ, այնպես էլ հիմնական «Ремонт под ключ»: Ինտերիերի դիզայնի նախագիծը փաստաթուղթ է, թղթի վրա գրված գաղափար, որը  հնարավորություն կտա իրականացնել երազանքների բնակարանը՝  տան վերանորոգման և բարեկարգման համար: Ընկերություն կատարում է բարձր դասի եվրոպական ոճի վերանորոգման աշխատանքներ․ վերանորոգում ենք ամեն ինչ՝ էլեկտրականություն, սանտեխնիկա, հարթեցնում պատերը, պատրաստում ձգվող առաստաղներ և սոսնձում պաստառներ։

- Կան շինարարական բազմաթիվ ընկերություններ՝ տարբեր ծառայություններով։ Ինչու՞ ընտրել  «Ռաֆֆայել» շինարարական ընկերությունը։

 Ցուցաբերում ենք յուրահատուկ և անհատական մոտեցում յուրաքանչյուր հաճախորդի նկատմամբ։

 Աշխատում ենք ոլորտում լավագույն մասնագետների հետ, ովքեր կարողանում են կյանքի կոչել երազանքների տունը:

Օգտագործում ենք բարձրորակ շինարարական նյութեր և համագործակցում աշխարհահռչակ մատակարարների հետ։

Մեր պրոֆեսիոնալ թիմը շատ կարճ ժամկետներում կկառուցի ձեր երազանքների տունը։

Իսկ նմանը չունեցող որակի մասին կփաստեն մեր հարյուրավոր հաճախորդները:

-Հայրենիքին կապող կարևոր նախագիծը․․․

-Մեր նպատակն է կառուցապատումներ կատարել ոչ միայն Հայաստանի սիրտ Երևանում, այլև նոր կյանք և շունչ հաղորդել մարզերում, որպեսզի նոր կյանք տանք գյուղական համայնքին՝ նոր քայլ դեպի լուսավոր ապագա և փորձենք շարժվել ժամանակին համահունչ: Կատարում ենք կառուցապատում Արտաշատի մարզի Մասիս գյուղում, որպեսզի իրագործենք մեր առջև դրված նպատակները և, ինչու ոչ, ունենանք հիմնավորող ապացույց մեր հասարակության համար: Ապագայում կառուցապատումներ կկատարենք նաև Ջերմուկում, Երևանում, Աշտարակում, Ծաղկաձորում, Դիլիջանում, Սևանում, Իջևանում:

ԸՆԿԵՐՈՒԹՅԱՆ ՍՏԵՂԾՄԱՆ ԵՒ ՀԱՋՈՂՈՒԹՅԱՆ ՊԱՏՄՈՒԹՅՈՒՆԸ

Նո՛ր խոսք, նո՛ր մոտեցում, նո՛ր ոճ շինարարության ոլորտում՝  2018թ-ին կազմավորված «Ռաֆֆայել» ընկերությունը ՀՀ-ում առաջիններից մեկը հանդես եկավ այնպիսի նախագծով, ինչպիսինն է, «Երազանքի տունը»։ Ընկերության որդեգրած սկզբունքների շնորհիվ հայրենիքում տուն կառուցելն այլևս երազանք չէ, այլ՝ իրողություն։ Դիզայներական նրբաճաշակ լուծումներ, կառուցապատման միջազգային չափանիշներին համապատասխան կառույցներ ու սպասարկում։ Իսկ պրեմիում դասի առանձնատները տեղակայված են լինելու Հայաստանի ցանկացած կետում, մասնավորապես Սևանա լճի ափին և առանձնանալու են իրենց աշխարհագրական դիրքով: Լավագույն  ինտերիեր, լավագույն կանաչապատում, լավագույն մասնագետներ,  սեղմ ժամկետներ, լավագույն շինանյութ և ճարտարապետական լուծումներ․․․ահա՛ որակի չափանիշն ու ոլորտում ուրույն ձեռագիրը։ «Ռաֆֆայել» ՍՊԸ-ն հավակնում է դառնալ ոլորտի վարկանշային այն ընկերությունը, որը դառնալու է կառուցապատման որակի չափանիշ։