Արտակարգ դրությունը չի երկարաձգվի. Ռուստամ Բադասյան

«ՀՀ-ում արտակարգ դրությունը չի երկարաձգվի, իսկ դրա ավարտից հետո կսկսեն գործել այլ սահմանափակումներ և միջոցառումներ»,-այս մասին Կառավարության այսօրվա նիստում հայտարարեց Արդարադատության նախարար Ռուստամ Բադասյանը՝ հավելելով, որ առաջարկում են փոփոխություններ կատարել «Հայաստանի Հանրապետության բնակչության սանիտարահամաճարակային անվտանգության ապահովման մասին» և «Արտակարգ իրավիճակներում բնակչության պաշտպանության մասին» օրենքներում։

Բադասյանը նշեց, որ նախագծերի փաթեթը քննարկվել է Առողջապահության նախարարության հետ համատեղ․

«Վարակիչ հիվանդությունների ՀՀ ներթափանցման, ներբերման, դրանց ծագման և տարածման վտանգի, բռնկումների, համաճարակի առաջացման, ինչպես նաև դրանց հետևանքով արտակարգ իրավիճակ առաջանալու դեպքերում կարող է սահմանվել կարանտին»։

Արտակարգ իրավիճակի պայմաններում, ըստ Բադասյանի, կարանտին հնարավոր է սահմանել լիազոր մարմնի առաջարկությամբ մարզպետի կամ Երևանի քաղաքապետի կողմից առանձին տարածքներում, ինչպես նաև Կառավարության կողմից ՀՀ ամբողջ տարածքում կամ մի քանի մարզերում։

Բադասյանը փոխանցեց նաև, որ արտակարգ իրավիճակի պայմաններում կարանտին հայտարարված մարզերում կարող են լինել մուտքի ու ելքի սահմանափակումներ, ինքնամեկուսացման, մեկուսացման ռեժիմների սահմանումներ։

Կառավարության կողմից կարանտին հայտարարելու դեպքում հնարավոր է գործեն հետևյալ սահմանափակումները․

«Հավաքներ կամ հանրային միջոցառումներ կազմակերպելու, անցկացնելու կամ դրանց մասնակցելու սահմանափակումներ,իրավաբանական անձանց գործունեության սանիտարահամաճարակային անվտանգության կանոնների սահմանում, ապրանքների փոխադրման սահմանափակումներ, կրթական հաստատությունների գործունեության սահմանափակումներ, սահմանափակումներ պետական և տեղական ինքնակառավարման մարմիններում և այլ հաստատություններում»։

Տեղորոշման համակարգն այլևս չի գործելու, չի արգելվելու նաև տնտեսական գործունեությունը խախտումների դեպքում,-ասաց նախարարը։

Այս թեմայով Իրանի նախագահի ուղղաթիռի որոնողափրկարարական աշխատանքները շարունակվում են էլ ինչ լեզվով բացատրենք, որ ինչ արվում է, ժողովրդի համար չի արվում. Վահագն Մելիքյան Կառավարությունը հերթական աղետն է պատրաստում մեր պետության ու մեր ժողովրդի գլխին. Աղաջանյան Զգոն եղեք՝ հավատի եւ Եկեղեցու դեմ արշավ է սկսվել. Սերոբ Գասպարյան Դարպասները բացվել են, ասում են՝ էստի համեցեք. Վահագն Մելիքյան